Ас – адамның арқауы

Ас – адамның арқауы. Дегенмен, дұрыс тамақтанбаған жағдайда өмірге қауіп төнуі мүмкін. Әсіресе, ағзасы өсіп, дамып келе жатқан балаға асты талғап беру қажеттігін жақсы түсінеміз. Осы ретте «оқушылар мектеп асханасынан қандай ас ішіп жүр?» деген сауалға жауап іздеп, «Жұмыскер» шағынауданындағы №35 мектеп-гимназиясына арнайы бардық.

Білім алушылардың тегін тамақтануын қамтамасыз ету туралы БҰЙРЫҚ

Ас мәзірі

Жалпы, бір оқушының ыстық тамағы күніне 450 теңгені құрайды. Ал былтыр 300 теңге болған еді. Егер балаңыз күн сайын мектептен толыққанды ас ішсін десеңіз, қалтасына осы сомада ақша салып бересіз. Ал егер бір бәліш пен шай ішсін десеңіз, 220-250 теңге аралығында ақша беруіңізге тура келеді.

Таңертең үйден шай ішіп келсем де, асханаға келемін. Мен коржикті 150 теңгеге, бәліш пен пицаны 200 теңгеден аламын. Шырын алғым келеді. Бірақ ол қымбат. Сондықтан суды үйден ала келемін. Бір айда шамамен 5 мың теңгеден астам ақша жұмсаймын

Мәриям Жарылғапова

9 сынып

Оқушылар сұйық тамақты ұнатады. Кисель, шырын, компотты жақсы ішеді. Мәселен, бірінші сыныпқа келген балалар алғашында қарақұмықты жегісі келмейтін. Уақыт өте келе оны тәбетпен жейтін болды. Өкінішке қарай, салат қалып кетеді. Алдын ала 5 күндік мәзір жасалынып, бекітіледі. Асханада рұқсат етілмеген тағамды сатпаймыз. Бірақ алма шырыны мен су сатылымда бар

Алмагүл Нұрсұлтанова

Бас аспаз

Айта кетейік

Атырау қаласы бойынша асханасы жоқ 8 мектеп бар. Онда оқушылар ішетін ас арнайы тасымалданады.

Облыстық білім басқармасы басшысының орынбасары А.Дүйсекенованың айтуынша, Атырау облысында 1-4 сынып оқушылары 100%,ал атаулы әлеуметтік көмек алатын отбасынан шыққан 2 мың бала мен 61 тұл жетім студент бір мезгіл ыстық тамақпен қамтылып отыр.